Од 26 до 28 март во Скопје се одржа работилница „Поставување стандарди на постигања за петто одделение“ во рамките на Проектот „Развој и имплементација на државното тестирање во основното образование во РСМ“ што е дел од поширокиот Проект „Унапредување на основното образование во РСМ“ што го спроведува Министерството за образование и наука, со поддршка од Светската банка.
На почеток на работилницата воведно обраќање имаше директорката на ДИЦ м-р Даниела Јовчевска Михајловска и раководителот на сектор, д-р Бети Ламева.
Работилницата ја водеа меѓународните експерти: Роберто Ричи, Патриција Фaлзети, Јосе Нојонс и Жанета Џумхур, со поддршка од советници од Државниот испитен центар, а во неа учествуваа и 30 наставници и професори од основното и високото образование.
Целта на работилницата беше да се постават стандарди по предметите математика и мајчин јазик (македонски и албански јазик) во петто одделение базирани на реални емпириски резултати.
